費Sir要睇「寸王」面色

西甲球會皇家馬德里昨晚辭退教頭柏歷堅尼，傳媒報稱國際米蘭主帥摩連奴將於日內過檔執教。據知摩帥心目中已一堆清洗名單，但就從未透露是那位球星；那邊廂曼聯領隊費格遜有意簽入幾位皇馬球星，由這一刻開始，費Sir能否如願獲得心頭好，就要睇摩帥面色願唔願意放人！

據英國傳媒周四透露，費Sir得知摩連奴快將上任成為皇馬教頭，有意再度嘗試斟介射手賓施馬，但願「寸王」可以放人。除賓施馬外，皇馬其餘球星包括希古恩、狄亞拉及雲達華治俱是費Sir收購人物之人；但一般估計，要待摩帥正式上任後，才知以上幾位球員是否「用得着」。

雖說當年摩連奴執教車路士時與費Sir是宿敵，經常你贈我一句，我贈你一句；但事實上，兩位教頭私底下關係非太差。